13 шілде Ұлттық аза тұту күні

13 шілде күні Астана уақыты бойынша сағат 12.00-де коронавирус пандемиясының құрбаны болған азаматтарды еске алу мақсатында бір минут үнсіздік жарияланады. Президент Қасым-Жомарт Тоқаев Қазақстанда 13 шілде Ұлттық аза тұту күні болып жарияланатынын мәлімдеген болатын. «Көптеген елде жағдай бізден де қиын. Дегенмен "Әр қазақ - менің жалғызым» дегендей, әр азаматымыздың қазасы жүрегіме қатты батады. Мынау алапат індет арамыздан аталай асылдарымызды жұлып әкетіп жатыр. Бүгінде қара жамылып отырған азаматтарымыздың қайғысына ортақтасып, көңіл айтамын. Сол үшін 13 шілдені Ұлттық аза тұту күні деп жарияаймын. Бірақ біздің күресіміз жалғаса береді», - деген еді Тоқаев.